‘தினம் ஒரு புகைப்படம்’ போஸ்டர் பிரச்சாரம்

அன்பு நண்பர்களே,

வணக்கம்.

போஸ்டர் பிரச்சாரம் / திட்ட இயக்குனர் அபுல் கலாம் ஆசாத், மேலாளர் துளசி ஸ்வர்ண லக்ஷ்மி மற்றும் புகைபப்டக் கலைஞர் பாக்கிய ஸ்ரீ பட்கி / புகைப்படம் (C) ஆர்னவ் ராஸ்டோகி / Project 365 பொதுமை புகைப்பட ஆவணத்திட்டம்
போஸ்டர் பிரச்சாரம் / திட்ட இயக்குனர் அபுல் கலாம் ஆசாத், மேலாளர் துளசி ஸ்வர்ண லக்ஷ்மி மற்றும் புகைபப்டக் கலைஞர் பாக்கிய ஸ்ரீ பட்கி / புகைப்படம் (C) ஆர்னவ் ராஸ்டோகி / Project 365 பொதுமை புகைப்பட ஆவணத்திட்டம்

நமது திருவண்ணாமலைக்கு Project 365 திட்டத்தில் பங்கெடுக்க பிரசித்தி பெற்ற மற்றும் இளம் புகைப்படக்கலைஞர்கள் பலரும் வந்த வண்ணம் உள்ளனர். இ.டி.பி. நிறுவனம் இந்த திட்டத்தினை தொடங்கியதற்கான ஒரு முக்கியம் காரணம் சமகால கலையில் பொதுமக்களின் பங்களிப்பினை ஊக்கிவிப்பதே. அது மட்டுமல்ல, புகைப்படம் ஒரு அரிய கலையென்பதும் ஒரு முக்கிய வரலாற்று ஆவணம் என்பதும்  அது ஒரு பொது உடமை என்பதும்  அதனை பேணிப்பாதுகாப்பது மக்களின் பொறுப்பு என்ற கருத்தினை நிலைநாட்டுவதும் இந்த திட்டத்தின் நோக்கமாகும். அதன் பொருட்டே பல்வேறு செயல்பாடுகளை செய்து வருகிறோம். கல்லூரிகளில் திட்டத்தினை குறித்த கலந்துரையாடல், நமது கலை  இல்லத்தில் ‘புகைப்படக்கலைஞர்களுடன் ஒரு சந்திப்பு’ நிகழ்ச்சிகள், கண்காட்சிகள் போன்றவை செய்து வருகிறோம்.

போஸ்டர் பிரச்சாரம் / திட்ட இயக்குனர் அபுல் கலாம் ஆசாத் / புகைப்படம் (C) ஆர்னவ் ராஸ்டோகி / Project 365 பொதுமை புகைப்பட ஆவணத்திட்டம்
போஸ்டர் பிரச்சாரம் / திட்ட இயக்குனர் அபுல் கலாம் ஆசாத் / புகைப்படம் (C) ஆர்னவ் ராஸ்டோகி / Project 365 பொதுமை புகைப்பட ஆவணத்திட்டம்

இதன் பாகமாக, இ.டி.பி. புகைப்பட பட்டறைகளை நமது திருவண்ணாமலை மக்களுக்காக நடத்தி வருகின்றது. அதன் பொருட்டு போஸ்டர் பிரச்சாரம் நடத்தப்பட்டது. தினம் ஒரு புகைப்படம் திட்ட இயக்குனர் திரு. அபுல் கலாம் ஆசாத், மேலாளர் துளசி ஸ்வர்ண லக்ஷ்மி, புகைப்படக்கலைஞர்கள் பாக்கிய ஸ்ரீ பட்கி மற்றும் ஆர்னவ் ராஷ்டோகி திருவண்ணாமலை நகரெங்கும் போஸ்டர் ஒட்டி, கூடிய மக்களுடன் புகைப்படம் குறித்த கலந்துரையாடலில் ஈடுபட்டனர்.

போஸ்டர் பிரச்சாரம் / திட்ட இயக்குனர் அபுல் கலாம் ஆசாத், மேலாளர் துளசி ஸ்வர்ண லக்ஷ்மி மற்றும் புகைபப்டக் கலைஞர் பாக்கிய ஸ்ரீ பட்கி / புகைப்படம் (C) ஆர்னவ் ராஸ்டோகி / Project 365 பொதுமை புகைப்பட ஆவணத்திட்டம்
போஸ்டர் பிரச்சாரம் / திட்ட இயக்குனர் அபுல் கலாம் ஆசாத், மேலாளர் துளசி ஸ்வர்ண லக்ஷ்மி மற்றும் புகைபப்டக் கலைஞர் பாக்கிய ஸ்ரீ பட்கி / புகைப்படம் (C) ஆர்னவ் ராஸ்டோகி / Project 365 பொதுமை புகைப்பட ஆவணத்திட்டம்
போஸ்டர் பிரச்சாரம் / திட்ட இயக்குனர் அபுல் கலாம் ஆசாத், மேலாளர் துளசி ஸ்வர்ண லக்ஷ்மி மற்றும் புகைபப்டக் கலைஞர் பாக்கிய ஸ்ரீ பட்கி / புகைப்படம் (C) ஆர்னவ் ராஸ்டோகி / Project 365 பொதுமை புகைப்பட ஆவணத்திட்டம்
போஸ்டர் பிரச்சாரம் / திட்ட இயக்குனர் அபுல் கலாம் ஆசாத், மேலாளர் துளசி ஸ்வர்ண லக்ஷ்மி மற்றும் புகைபப்டக் கலைஞர் பாக்கிய ஸ்ரீ பட்கி / புகைப்படம் (C) ஆர்னவ் ராஸ்டோகி / Project 365 பொதுமை புகைப்பட ஆவணத்திட்டம்
போஸ்டர் பிரச்சாரம் / மேலாளர் துளசி ஸ்வர்ண லக்ஷ்மி மற்றும் புகைபப்டக் கலைஞர் ஆர்னவ் ராஸ்டோகி / புகைப்படம் (C)  பாக்கிய ஸ்ரீ பட்கி / Project 365 பொதுமை புகைப்பட ஆவணத்திட்டம்
போஸ்டர் பிரச்சாரம் / மேலாளர் துளசி ஸ்வர்ண லக்ஷ்மி மற்றும் புகைபப்டக் கலைஞர் ஆர்னவ் ராஸ்டோகி / புகைப்படம் (C) பாக்கிய ஸ்ரீ பட்கி / Project 365 பொதுமை புகைப்பட ஆவணத்திட்டம்
போஸ்டர் பிரச்சாரம் / மேலாளர் துளசி ஸ்வர்ண லக்ஷ்மி மற்றும் புகைபப்டக் கலைஞர் ஆர்னவ் ராஸ்டோகி / புகைப்படம் (C)  பாக்கிய ஸ்ரீ பட்கி / Project 365 பொதுமை புகைப்பட ஆவணத்திட்டம்
போஸ்டர் பிரச்சாரம் / மேலாளர் துளசி ஸ்வர்ண லக்ஷ்மி மற்றும் புகைபப்டக் கலைஞர் ஆர்னவ் ராஸ்டோகி / புகைப்படம் (C) பாக்கிய ஸ்ரீ பட்கி / Project 365 பொதுமை புகைப்பட ஆவணத்திட்டம்
போஸ்டர் பிரச்சாரம் / பொது மக்களுடன் திட்ட இயக்குனர் அபுல் கலாம் ஆசாத் கலந்துரையாடுகிறார்  / புகைப்படம் (C) ஆர்னவ் ராஸ்டோகி / Project 365 பொதுமை புகைப்பட ஆவணத்திட்டம்
போஸ்டர் பிரச்சாரம் / பொது மக்களுடன் திட்ட இயக்குனர் அபுல் கலாம் ஆசாத் கலந்துரையாடுகிறார் / புகைப்படம் (C) ஆர்னவ் ராஸ்டோகி / Project 365 பொதுமை புகைப்பட ஆவணத்திட்டம்

புகைப்படம் குறித்த இந்த போஸ்டர் பிரச்சாரம் ஓராண்டுக்காலம் நடக்க உள்ளது. இந்த போஸ்டர் பிரச்சாரத்தில் கலந்துக்கொள்ள விருப்பம் உள்ளவர்கள் இ.டி.பி.நிறுவனத்தினை தொடர்பு கொள்ளவும். இது போன்ற பட்டறைகள் பெரும்பாலும் சென்னை, பெங்களூர் போன்ற பெரும் பட்டணங்களில் தான் நடைபெறும். இத்தகைய கலை முயற்சிகளில் கிராமங்களில், சிறு நகரங்களில் வசிக்கும் பெரும்பாலோனோர் பங்கு பெரும் வாய்ப்பினை பெறுவதில்லை. அதனால் தான் இ.டி.பி. நிறுவனம் இந்த முயற்சியினை திருவண்ணாமலையில் துவங்கி உள்ளது. நீங்கள் புகைப்பட கலைஞராகவோ, புகைப்படக்கலையில் ஆர்வம் உள்ளவராகவோ இருந்தால், நீங்களும் இந்த திட்டத்தில் பங்கு பெறலாம். 

போஸ்டர் பிரச்சாரம் / பொது மக்களுடன் திட்ட இயக்குனர் அபுல் கலாம் ஆசாத் கலந்துரையாடுகிறார்  / புகைப்படம் (C) ஆர்னவ் ராஸ்டோகி / Project 365 பொதுமை புகைப்பட ஆவணத்திட்டம்
போஸ்டர் பிரச்சாரம் / பொது மக்களுடன் திட்ட இயக்குனர் அபுல் கலாம் ஆசாத் கலந்துரையாடுகிறார் / புகைப்படம் (C) ஆர்னவ் ராஸ்டோகி / Project 365 பொதுமை புகைப்பட ஆவணத்திட்டம்
போஸ்டர் பிரச்சாரம் / புகைப்படம் (C)  அபுல் கலாம் ஆசாத் / Project 365 பொதுமை புகைப்பட ஆவணத்திட்டம்
போஸ்டர் பிரச்சாரம் / புகைப்படம் (C) அபுல் கலாம் ஆசாத் / Project 365 பொதுமை புகைப்பட ஆவணத்திட்டம்

நன்றி. !!!

தென்னிந்தியாவின் பண்பாடும் வாழ்க்கைமுறையும் மிக வேகமாக மாறிக்கொண்டிருக்கிறது. மாறுகின்ற இந்த பண்பாட்டின் வெளிப்பாடுகளை புகைப்பட வடிவில் பாதுகாத்து வைக்கும் ஒரு சிறந்த முயற்சியே இ.டி.பி. அமைப்பினால் தொடங்கப்பட்டுள்ள Project 365  என்று மகுடமிடப்பட்டுள்ள  ‘பொதுமை புகைப்படக்கலை திட்டமாகும்’. இதன் முதல்படி தமிழ்நாட்டின் திருவண்ணாமலையில் நடந்து வருகிறது. பல்வேறு கலாச்சாரங்களின் கோணங்களை தன்னகத்தே கொண்டுள்ள இந்த புராதன நகரத்தின் சிறப்புகளை இந்தியா முழுவதும் உள்ள புகைப்படக்கலைஞர்கள் சம்பிரதாயமான ஊடக வழியில் ஓராண்டுக்காலம் ஆவணப்படுத்துவார்கள். முடிவில் கண்காட்சியும் புத்தகமும் வெளியிடப்படும். இந்த திட்டம் இக்கால இந்திய புகைப்பட கலைஞர் அபுல் கலாம் ஆசாத் அவர்களால் வழி நடத்தப்படுகிறது. அடுத்த ஐந்தாண்டுகளுக்குள் சங்க கால துறைமுக நகரங்களாகிய தொண்டி, முசிறி மற்றும் காவேரி பாயும் நிலம் சார்ந்த அனைத்து ஊர்களின் கலைச்சிறப்பை ஆவணப்படுத்தும்.

இந்த பதிப்பிலுள்ள புகைப்படங்களின் பதிப்புரிமை புகைப்படக்கலைஞரின் உரிமை ஆகும். மீண்டும் பிரசரிப்பதற்கோ வேறு பதிப்புகளில் உபயோகப்படுத்துவதற்கோ இ.டி.பி. நிறுவனத்தின் (Project 365 பொதுக்களஞ்சியம்) முன் அனுமதி அவசியம். மேலும் தகவல் அறிய {0}4175 237405 / {0}94879 56405 என்ற எண்ணில் தொடர்பு கொள்ளவும்.

ஆங்கிலத்திலிருந்து தமிழுக்கு மொழியாக்கம் – திரு. ராம் மோகன் / எடிட்டர் ரமநோதயம், ஸ்ரீ. ரமணாஷ்ரமம், திருவண்ணாமலை 

ஒரு ஞானி, மலையும், புகைப்படமும்…

அக்னி ஸ்தலத்தின் புகைப்பட வடிவங்கள்

தமது தனித்துவத்தின் வெளிப்பாடாக ஒரு குறிப்பிட்ட உருவங்களை தேர்வு செய்து அவற்றை உலகிற்கு காட்டுவது மனித நாகரிகத்தின் வழக்கமாகும். இந்த உருவத்தேர்வுகள் அந்த நகரத்துடன் கொண்ட வரலாற்று தொடர்புகளையோ, அல்லது ஒரு சின்னத்தையோ, அல்லது ஒரு முக்கியமான நிகழ்ச்சியையே வெளிப்படுத்துவதாக அமைகின்றன. காலப்போக்கில், இந்த உருவகங்களே அந்தந்த ஊர்களின் மீது தமது ஆழ்ந்த தாக்கத்தை ஏற்படுத்தி, பின்னொரு நாளில் மக்கள் இந்த தனித்துவமான உருவத்தின் மூலமாகவே அந்த நகரத்தினை அடையாளம் கண்டுக்கொள்ள துவங்குகின்றன. இங்கனமே, இங்கு வாழ்ந்திருந்த ஒரு மகானின் புகைப்பட பதிவுகளே அருணாச்சல மலையின் அடிவாரத்தில் அமைந்துள்ள திருவண்ணாமலை எனும் புராதன நகரத்தின் முக்கியமான சின்னமாக திகழ்கின்றன.

Iஅருணாச்சல மலை  / புகைப்பட பதிப்புரிமை எலியட் எலிசோபான் / 1949 / TIME magazine
அருணாச்சல மலை / புகைப்பட பதிப்புரிமை எலியட் எலிசோபான் / 1949 / TIME magazine

சங்க காலத்திலிருந்து திருவண்ணாமலை பல்வேறு ஆக்கத்திறன் நிறைந்த மக்களை தன்பால் ஈர்த்து வந்துள்ளது. இந்த ஊரின் முதல் வரலாற்றுப்பதிவு அருணாச்சலேஸ்வரர் ஆலயத்தின் 9ம் நூற்றாண்டைச் சேர்ந்த சோழர் கால கல்வெட்டுகளில் காணப்படுகிறது. கிபி. 850வது ஆண்டிலிருந்து 1280 ஆண்டுவரை அரசு செலுத்திய சோழ ராஜாக்கள் மூலம் இந்த கோவில் கட்டப்பட்டுள்ளது என கல்வெட்டுகள் காண்பிக்குகின்றன. பாரதத்திலுள்ள மிகப்பெரிய ஆலயங்களின் ஒன்றான இது, பாரம்பரியம், வரலாறு, உற்சவங்கள் போன்ற பல கோணங்களிலும் சிறப்பு வாய்ந்தது. ஒவ்வொரு மாதத்திலும் முழு நிலவன்று பல்லாயிரக்கணக்கான மக்கள் அருணாச்சல மலையினை சுற்றி வலம் வருகின்றனர். இங்கு நடக்கும் விழாக்களில், கார்த்திகை தீப உற்சவம் மிகச்சிறப்பு வாய்ந்ததாகும். இந்த சோழர் கால கல்வெட்டுகள், கார்த்திகை தீப திருவிழா சோழர் காலத்திலிருந்தே கொண்டாடப்படுவதாக கூறுகின்றனர். சோழர்கள் மட்டுமன்றி, பல்லவர்கள், ஹோய்சாலாக்கள், விஜயநகர அரசாங்கம், கர்நாடக அரசர்கள், திப்புசுல்தான் மற்றும் ஆங்கிலேயரும் திருவண்ணாமலையினை ஆட்சிப்புரிந்துள்ளனர்.

அருணாச்சலேஸ்வரர் கோவில்  / புகைப்பட பதிப்புரிமை எலியட் எலிசோபான் / 1949 / TIME magazine
அருணாச்சலேஸ்வரர் கோவில் / புகைப்பட பதிப்புரிமை எலியட் எலிசோபான் / 1949 / TIME magazine
அருணாச்சலேஸ்வரர் கோவில்  / புகைப்பட பதிப்புரிமை (C) ஜி ஜி வெல்லிங் 1948 / ஸ்ரீ ரமண ஆஷ்ரம புகைப்படக்களஞ்சியம்
அருணாச்சலேஸ்வரர் கோவில் / புகைப்பட பதிப்புரிமை (C) ஜி ஜி வெல்லிங் /1948
திருவண்ணாமலை   / புகைப்பட பதிப்புரிமை எலியட் எலிசோபான் / 1949 / TIME magazine
திருவண்ணாமலை / புகைப்பட பதிப்புரிமை எலியட் எலிசோபான் / 1949 / TIME magazine
திருவண்ணாமலை / புகைப்பட பதிப்புரிமை (C) ஹென்றி கார்ட்டியர் பிரசான்  1948 / MAGNUM புகைப்படக்களஞ்சியம்
திருவண்ணாமலை / புகைப்பட பதிப்புரிமை (C) ஹென்றி கார்ட்டியர் பிரசான் 1948 / MAGNUM புகைப்படக்களஞ்சியம்

தம்முள்ளே போர் புரிந்துக்கொண்டிருந்தாலும் பல்வேறு கலை அமைப்புகள் மூலம் பண்டைக்காலத்தின் சிற்பக்கலையையும் முன் கலைகளையும் பராமரித்து காலச்சார இணைப்புகளை ஏற்படுத்தி வந்த பல்வேறு அரசர்கள் மூலம் கலாச்சார மற்றும் முன்கலைசிறப்புகளும் வெளிப்படுத்தப்படுகின்றன.

இந்த பழம்பெரும் நகரில், பல நூற்றாண்டுகள் பழமை வாய்ந்த கிருத்துவ ஆலயங்களும், மசூதிகளும், ஜைன ஆலயங்களும் விளங்கித்தோன்றுகின்றன. பல்வேறு வகைப்பட்ட சமய மற்றும் கலாச்சார அமைப்புகள் இந்த மலை நகரில் அமைந்துள்ளன. அவர்கள் வாழ்க்கையும், வாழ்வாதாரமும், வாழ்க்கைமுறையும் இந்த மலையை சுற்றியே அமைந்துள்ளன.

அரசியல் ரீதியாகவும் இந்த நகரம் முக்கியமாக திகழ்கிறது. பல்வேறு வகைப்பட்ட மக்கள் தலைவர்களும் கட்சிகளும் இங்கே அமைந்துள்ளன. பல்வேறு கொடிகளும், உருவங்களும், சிலைகளும், சின்னங்களும் இந்த நகரின் பல்வேறு பகுதிகளில் நிறுவப்பட்டுள்ளதை நாம் காணலாம். மக்கள் பொழுது போக்குவதற்காக பல்வேறு திரைப்பட அரங்குகளும் இங்கே அமைந்துள்ளன.

அண்ணாமலையின் சிறப்புக்குறியீட்ட உருவம்

ஸ்ரீ ரமண மகரிஷி / புகைப்பட பதிப்புரிமை (C) P R S மணி / ஸ்ரீ ரமண ஆஷ்ரம புகைப்படக்களஞ்சியம்
ஸ்ரீ ரமண மகரிஷி / புகைப்பட பதிப்புரிமை (C) P R S மணி / ஸ்ரீ ரமண ஆஷ்ரம புகைப்படக்களஞ்சியம்

வெங்கட்ராமன் என்ற இயற்பெயருடன் 1879ம் ஆண்டு பிறந்த ஸ்ரீ. ரமணமகரிஷி, அருணாச்சலத்தால் ஈர்க்கப்பட்டார். 1st Sep 1896 திருவண்ணாமலையினை வந்தடைந்தார். தமது 17ம் வயதில் அவருக்கு மிக உயர்ந்த அனுபவம் ஏற்பட்டது. அது என்னவெனில், முழு உணர்வுடன் தேகத்தில் இருக்கும் போதே மரணத்தை அனுபவித்தது ஆகும். இந்த மரண அனுபவம் அவருக்கு உடனடியான ஆன்மீக விழிப்பை தந்தது. இந்த புரட்சிகரமான மாற்றத்திற்கு பின் அவர் தமது இல்லத்தை விட்டு அண்ணாமலையெனும் தெய்வீக மலையால் ஈர்க்கப்பட்டு திருவண்ணாமலை நோக்கி வந்தார். அடுத்த 54 ஆண்டுகளுக்கு அவர் அண்ணாமலையை விட்டு நகரவே இல்லை. 1955ம் ஆண்டு மகா நிர்வாணத்தை அடையும் வரை தம்மை நாடி வந்தோர்க்கெல்லாம் மிக எளிய அதே சமயம் நேரான பாதையில் ஆத்ம விசாரத்தின் மூலம் அத்வைத ஞானம் பெற வழி நடத்தி வந்தார்.

ஸ்ரீ ரமண மகரிஷி / ஸ்ரீ ரமண ஆஷ்ரம புகைப்படக்களஞ்சியம் / 1902
ஸ்ரீ ரமண மகரிஷி / ஸ்ரீ ரமண ஆஷ்ரம புகைப்படக்களஞ்சியம் / 1902

ரமண மகரிஷியின் ஆக்கப்பூர்வமான உள்ளுணர்வு, பல்வேறு கலைகளை உள்ளடக்கியது. அவற்றுள் புகைப்படக்கலையும் ஒன்றாகும். முதன் முதலில் இந்தியாவில் புகைப்படக்கலை அறிமுகப்படுத்தப்பட்டபோது இந்திர ஜாலம் போன்று எப்படி ஒரு புகைப்பட கருவி புகைப்படங்களை உருவாக்குகின்றது என்னும் அதிசயம் எல்லாரிடத்தும் பரவியது. ஆனால், அதே சமயம், அது ஒருவனை புகைப்படம் எடுத்தால் அவனது ஆன்மாவைத்திருடிவிடும் என்ற அச்சத்தையும் உருவாக்கியது. ஞானிகள் மற்றும் ஆரத்திகள் மத்தியிலும் அநேகர் தம்மை புகைப்படம் எடுத்துக்கொள்ள முன் வரவில்லை.

ரமண மகரிஷி ஒளியின் தாக்கத்தினையும், ரசாயன மாற்றதைப்பற்றியும் எங்கனம் ஒரு புகைப்பட தகட்டில் ரசாயன மாற்றம் ஏற்படுத்துகின்றது என்பதை பற்றியும் கொண்டிருந்த முன்னறிவு அவருக்கு புகைப்பட ஊடகத்தின் மீது ஏற்பட்ட ஆர்வத்திற்கு காரணமாக இருக்கலாம்.

புகைப்படம் எனும் ஊடகத்தின் பல்வேறு சாத்தியக்கூறுகளையும் மற்றும் அதன் எழில் சார்ந்த திறமையையும் ரமண மகரிஷி நன்கு அறிந்திருந்தார்.

இந்தியாவின் பல்வேறு இடங்களிலிருந்து வந்திருந்த புகைப்படக்கலைஞர்களுடன் அவர் சம்பாஷணைகளில் ஈடுபட்டு, எங்கனம் கடந்து விட்ட காலங்களின் நினைவுகளை உயிரோட்டமான பிம்பங்களாக உருவாக்குவது என்பதனை குறித்து வாதிப்பார். PRS Mani, Dr. TNK, GG Welling போன்ற இந்த புகைப்பட நிபுணர்கள் ரமண மகரிஷி மற்றும் ரமண ஆஷ்ரமம் பற்றிய பல்வேறு புகைப்படங்களை உருவாக்கினர். அகில உலகத்திலும் புகைப்பட கலைஞராக செங்கோல் நாட்டிய பிரெஞ்சு நாட்டு புகைப்பட கலைஞரான Henri Cartier-Bresson மற்றும் அமெரிக்க ஆவண புகைப்படக்கலைஞர் Eliot Elisofon போன்றோர் ரமண மகாரிஷியைப்பற்றி பல்வேறு பதிவுகளை உருவாக்கினர். இந்த புகைப்படங்கள் TIME போன்ற உலகளாவிய பத்திரிகைகளிலும் சஞ்சிகளிலும் பதிக்கப்பட்டன. இந்த பத்திரிககளில் மூலம் கிடைத்த உலகளாவிய விளம்பரம், திருவண்ணாமலை நகரம் சர்வதேச அளவில் அறியப்பட ஒரு முக்கிய காரணமாக அமைந்தது. இந்த புகைப்பட அச்சுகளையும், பதிவுகளையும் பத்திரமாக பாதுகாக்குமாறு ரமண மகரிஷி வலியுறுத்தி வந்தார். விலை மதிப்பில்லாத ரமண மகரிஷி மற்றும் ஆஷ்ரமம் சார்ந்த இந்தப்பதிவுகள் தற்பொழுது ரமண ஆஷ்ரமத்தில் வைக்கப்பட்டுள்ளன.

ஸ்ரீ ரமண மகரிஷி  / புகைப்பட பதிப்புரிமை (C) ஜி ஜி வெல்லிங் 1948 / ஸ்ரீ ரமண ஆஷ்ரம புகைப்படக்களஞ்சியம்
ஸ்ரீ ரமண மகரிஷி / புகைப்பட பதிப்புரிமை (C) ஜி ஜி வெல்லிங் 1948 / ஸ்ரீ ரமண ஆஷ்ரம புகைப்படக்களஞ்சியம்
ஸ்ரீ ரமண மகரிஷி / புகைப்பட பதிப்புரிமை (C) ஹென்றி கார்ட்டியர் பிரசான்  1948 / MAGNUM புகைப்படக்களஞ்சியம்
ஸ்ரீ ரமண மகரிஷி / புகைப்பட பதிப்புரிமை (C) ஹென்றி கார்ட்டியர் பிரசான் 1948 / MAGNUM புகைப்படக்களஞ்சியம்
ஸ்ரீ ரமண மகரிஷி / புகைப்பட பதிப்புரிமை (C) Dr. TNK கிருஷ்ணசுவாமி  / ஸ்ரீ ரமண ஆஷ்ரம புகைப்படக்களஞ்சியம்
ஸ்ரீ ரமண மகரிஷி / புகைப்பட பதிப்புரிமை (C) Dr. TN கிருஷ்ணசுவாமி / ஸ்ரீ ரமண ஆஷ்ரம புகைப்படக்களஞ்சியம்
ஸ்ரீ ரமண மகரிஷி / புகைப்பட பதிப்புரிமை (C) Dr. TNK கிருஷ்ணசுவாமி  / ஸ்ரீ ரமண ஆஷ்ரம புகைப்படக்களஞ்சியம்
ஸ்ரீ ரமண மகரிஷி / புகைப்பட பதிப்புரிமை (C) Dr. TN கிருஷ்ணசுவாமி / ஸ்ரீ ரமண ஆஷ்ரம புகைப்படக்களஞ்சியம்

தமிழர்கள் பட உருவங்களை எப்பொழுதும் வழிபடும் பாரம்பரியம் உள்ளவர். சித்திர வடிவில் வழிபடும் இந்த தமிழர் பண்பு, ரமண மகரிஷியின் திரு உருவ புகைப்படங்களையும் வழிபடுவதை உள்ளடக்கியது. ரமணரின் பல்லாயிரக்கணக்கான படங்கள் உலகெங்கிலும் கிடைக்கப்பெற்று வழிபடப்படுகின்றன. ரமணரின் முதல் புகைப்படம் 1902ம் வருடம் எடுக்கப்பட்டது. அவரது புகைப்படங்களிலேயே மிகவும் பிரசித்தி பெற்றது ‘மணி புகைப்படம்’ என்று அழைக்கப்படும் PRS மணியால் எடுக்கப்பட்ட மார்பளவு புகைப்படமாகும். இங்கனம் திருவண்ணாமலை நகரமும், ரமணரின் தொடர்பும் இரண்டற கலந்து வளர்ந்து வருகின்றன.

ஸ்ரீ ரமண மகரிஷி / புகைப்பட பதிப்புரிமை (C) P R S மணி / ஸ்ரீ ரமண ஆஷ்ரம புகைப்படக்களஞ்சியம்

ஸ்ரீ ரமண மகரிஷி / புகைப்பட பதிப்புரிமை (C) P R S மணி / ஸ்ரீ ரமண ஆஷ்ரம புகைப்படக்களஞ்சியம்

மகரிஷி ரமணரின் தற்கால புகைப்பட உருவங்கள்

இங்கனம் திருவண்ணாமலை நகரம் முழுவதும் ரமணரின் புகைப்படங்கள் பரவிக் கிடக்கின்றன. பிரசித்தி பெற்ற புகைப்பட கலைஞர்கள் மட்டுமல்லாது, அறிமுகமில்லாத மற்றும் பிறரும் திருவண்ணாமலை சார்ந்த புகைப்படக்களஞ்சியத்தை உருவாக்கி வருகின்றனர். இங்கு விஜயம் செய்யும் யாத்ரிகைகள் கூட ரமணரின் பிரசன்னத்தை நினைவூட்டும் ஏராளமான புகைப்படங்களை எடுத்து வருகின்றனர். அத்துடன் மலையின் மற்றும் நகரத்தின் புகைப்படங்களும் சேர்ந்து வருகின்றன. இ.டி.பி. புகைப்படக்களஞ்சியத்தில் தற்கால இந்திய புகைப்பட நிபுணரான அபுல் கலாம் ஆசாத் அவர்களின் புகைப்படங்கள் பாதுகாத்து வைக்கப்பட்டுள்ளன.

மகரிஷி ரமணரின் தற்கால புகைப்பட உருவங்கள் / புகைப்பட பதிப்புரிமை (C) அபுல் கலாம் ஆசாத் / இ.டி.பி  புகைப்படக்களஞ்சியம்
மகரிஷி ரமணரின் தற்கால புகைப்பட உருவங்கள் / புகைப்பட பதிப்புரிமை (C) அபுல் கலாம் ஆசாத் / இ.டி.பி புகைப்படக்களஞ்சியம்
மகரிஷி ரமணரின் தற்கால புகைப்பட உருவங்கள் / புகைப்பட பதிப்புரிமை (C) அபுல் கலாம் ஆசாத் / இ.டி.பி  புகைப்படக்களஞ்சியம்
மகரிஷி ரமணரின் தற்கால புகைப்பட உருவங்கள் / புகைப்பட பதிப்புரிமை (C) அபுல் கலாம் ஆசாத் / இ.டி.பி புகைப்படக்களஞ்சியம்
மகரிஷி ரமணரின் தற்கால புகைப்பட உருவங்கள் / புகைப்பட பதிப்புரிமை (C) அபுல் கலாம் ஆசாத் / இ.டி.பி  புகைப்படக்களஞ்சியம்
மகரிஷி ரமணரின் தற்கால புகைப்பட உருவங்கள் / புகைப்பட பதிப்புரிமை (C) அபுல் கலாம் ஆசாத் / இ.டி.பி புகைப்படக்களஞ்சியம்
மகரிஷி ரமணரின் தற்கால புகைப்பட உருவங்கள் / புகைப்பட பதிப்புரிமை (C) அபுல் கலாம் ஆசாத் / இ.டி.பி  புகைப்படக்களஞ்சியம்
மகரிஷி ரமணரின் தற்கால புகைப்பட உருவங்கள் / புகைப்பட பதிப்புரிமை (C) அபுல் கலாம் ஆசாத் / இ.டி.பி புகைப்படக்களஞ்சியம்

ஒரு முற்றிலும் மாறுபட்ட கோணம்

‘தினம் ஒரு புகைப்படம்’ (Project 365) திட்டத்தில், புகைப்பட கலைஞர் அனுராக் ஷர்மா ‘மகரிஷி ரமணரின் உருவத்தோற்றங்கள்’ என்ற தலைப்பில் திருவண்ணாமலை நகரினைப்பற்றி ஆவணப்படங்கள் எடுக்க உள்ளார். எங்கனம் ரமணரின் உருவப்படங்கள் இந்த நகரத்தின் உள்ளுணர்வையும், எங்கனம் ரமண மகரிஷி திருவண்ணாமலைக்கே ஆதார பிம்பமாக திகழ்கிறார் என்பதும் ஒரு உயிர்த்துடிப்பான உண்மைகளாகும். ஒரு நகரத்தின் கண்ணுக்குத்தெரியாத மிகப்பெரிய சக்தியை, அனுராக் இங்கு எல்லா இடத்திலும் காண்கிறார்.

Project 365 திட்ட புகைப்பட கலைஞர் அனுராக் ஷர்மா
Project 365 திட்ட புகைப்பட கலைஞர் அனுராக் ஷர்மா

தாம் நோக்கும் ஒவ்வொரு இடத்திலும் அவர் ஒரு உயிரோட்டமான பிம்பத்தை காண்கிறார். இதில் சிறப்பு யாதெனில் ஏனையோருக்கு முக்கியம் இல்லாத காட்சிகளாக தென்பட்டு ஒதுக்கப்படும் காட்சிகளும் நிகழ்வுகளும் அனுராகின் திறமிக்க கண்களுக்கு உயிதுடிப்புள்ள காட்சிகளாக தென்படுகின்றன. இந்தக் காட்சிகளே நகரத்தின் உயிரோட்டமிக்க இடங்களுக்கு சிறந்த சான்றாக திகழ்கின்றன.

அனுராகின் முதல் கேமரா Cosina C1s.   இவர் இதனை தேனிலவுக்கு போகும் போது கொண்டு சென்றார். அதில் ஆரம்பித்து அவர் மென்மேலும் ஆராய்ச்சிகள் செய்து அதனைக்குறித்த அறிவினை வெகுவாக வளர்த்துக்கொண்டார். அவர் இப்பொழுது தொழில் மற்றும் நகரம் சார்ந்த புகைப்படத்துறையில் ஈடுபட்டு புகழ் வாய்ந்த இந்திய மற்றும் சர்வதேச கம்பெனிகளில் தொழில் சார்ந்த புகைப்படங்கள் எடுக்கும் பணியினை செய்து வருகிறார். அவர் Art and Deal போன்ற பத்திரிகைகளில் பல்வேறு தொகுப்புகளை அளித்து வருகிறார். அவரது படைப்புகள் பல்வேறு கண்காட்சிகளிலும் கலை உற்சவங்களிலும் காண்பிக்கப்படுகின்றன. மும்பை மற்றும் பெரு நகரங்களில் இவரது கண்காட்சிகள் நடைபெறுகின்றன. Pro Helvetia – Swiss Art Council அமைப்பு நியூ டில்லி Max Mueller பவன் – ல் ‘parallel city’ என்ற தலைப்பில் அனுராகின் படங்கள் காண்பிக்கப்பட்டன. இது மக்களை பெரிதும் கவர்ந்தது. Indian Art festival லில் அவரது படைப்புகள் காண்பிக்கப்பட்டது அவருக்கு மேலும் பெருமை சேர்த்தது.

அக்னி ஷைலத்தின் புகைப்பட போஸ்ட் கார்டுகள்

‘ரமணரின் உருவங்கள்’ என்ற இந்தக்களஞ்சியத்திலுள்ள புகைப்படங்களை அனுராக் ‘புகைப்பட போஸ்ட் கார்டுகள்’ மூலம் அளிக்க உள்ளார். ஒரு நகரத்தின் உருவகத்தை உலகளாவிய அளவில் எடுத்து செல்லும் வாகனங்கள் இவை. முன் காலத்திலிருந்தே ஒரு நகரத்திற்கோ ஊருக்கோ செய்யும் யாத்ரிகைகள் தமது பயணத்தின் சான்றுகளாகவும் மற்றும் தமது உறவினர் நண்பர்களுக்கும் தமது செய்திகளை அனுப்பும் ஊடகமாகவும் போஸ்ட் கார்டுகளை பயன் படுத்துகின்றனர். இந்தக்கார்டுகள் உலகெங்கிலும் பயணம் செய்கின்றன என்பது நிச்சயம். எனவே தான், “அக்னி ஷைலத்திலிருந்து ரமணரின் புகைப்படங்களை போஸ்ட் கார்ட் வடிவில் அனுப்புகிறேன்” என்கிறார் அனுராக்.

'மகரிஷி ரமணரின் உருவத்தோற்றங்கள்’ / புகைப்பட பதிப்புரிமை (C) அனுராக் ஷர்மா / Project 365 பொது புகைப்படக்களஞ்சியம்
‘மகரிஷி ரமணரின் உருவத்தோற்றங்கள்’ / புகைப்பட பதிப்புரிமை (C) அனுராக் ஷர்மா / Project 365 பொது புகைப்படக்களஞ்சியம்
'மகரிஷி ரமணரின் உருவத்தோற்றங்கள்’ / புகைப்பட பதிப்புரிமை (C) அனுராக் ஷர்மா / Project 365 பொது புகைப்படக்களஞ்சியம்
‘மகரிஷி ரமணரின் உருவத்தோற்றங்கள்’ / புகைப்பட பதிப்புரிமை (C) அனுராக் ஷர்மா / Project 365 பொது புகைப்படக்களஞ்சியம்
'மகரிஷி ரமணரின் உருவத்தோற்றங்கள்’ / புகைப்பட பதிப்புரிமை (C) அனுராக் ஷர்மா / Project 365 பொது புகைப்படக்களஞ்சியம்
‘மகரிஷி ரமணரின் உருவத்தோற்றங்கள்’ / புகைப்பட பதிப்புரிமை (C) அனுராக் ஷர்மா / Project 365 பொது புகைப்படக்களஞ்சியம்
'மகரிஷி ரமணரின் உருவத்தோற்றங்கள்’ / புகைப்பட பதிப்புரிமை (C) அனுராக் ஷர்மா / Project 365 பொது புகைப்படக்களஞ்சியம்
‘மகரிஷி ரமணரின் உருவத்தோற்றங்கள்’ / புகைப்பட பதிப்புரிமை (C) அனுராக் ஷர்மா / Project 365 பொது புகைப்படக்களஞ்சியம்

புகைப்படங்கள் எடுப்பது மட்டுமல்ல, அனுராக் தன மனதில் தோன்றிய ஒரு முக்கிய கேள்விக்கும் பதில் தேடுகிறார். உருவமற்ற அத்வைத நிலையே முடிவான நிலை என்று உபதேசித்த ரமணரின் புகைப்படங்கள் எப்படி வழிப்பாட்டு பிம்பங்களாகவும் ஒரு நகரத்தின் ஆதார உருவமாகவும் மாறி விட்டன? மேலோட்டமாய் நோக்கும் பொது ஒரு தத்துவ முரண்பாடு போலவே தோன்றுகிறது. இந்தக் கேள்வியின் உள்ளார்ந்த பொருளினை உணரவும் இவர் ரமண மகரிஷி புகைப்பட கலைஞர்களுடன் நடத்திய உரையாடல்கள், போன்றவற்றினை ஆய்வு செய்வார்.

(தொடரும்….)

தென்னிந்தியாவின் பண்பாடும் வாழ்க்கைமுறையும் மிக வேகமாக மாறிக்கொண்டிருக்கிறது. மாறுகின்ற இந்த பண்பாட்டின் வெளிப்பாடுகளை புகைப்பட வடிவில் பாதுகாத்து வைக்கும் ஒரு சிறந்த முயற்சியே இ.டி.பி. அமைப்பினால் தொடங்கப்பட்டுள்ள Project 365  என்று மகுடமிடப்பட்டுள்ள  ‘பொதுமை புகைப்படக்கலை திட்டமாகும்’. இதன் முதல்படி தமிழ்நாட்டின் திருவண்ணாமலையில் நடந்து வருகிறது. பல்வேறு கலாச்சாரங்களின் கோணங்களை தன்னகத்தே கொண்டுள்ள இந்த புராதன நகரத்தின் சிறப்புகளை இந்தியா முழுவதும் உள்ள புகைப்படக்கலைஞர்கள் சம்பிரதாயமான ஊடக வழியில் ஓராண்டுக்காலம் ஆவணப்படுத்துவார்கள். முடிவில் கண்காட்சியும் புத்தகமும் வெளியிடப்படும். இந்த திட்டம் இக்கால இந்திய புகைப்பட கலைஞர் அபுல் கலாம் ஆசாத் அவர்களால் வழி நடத்தப்படுகிறது. அடுத்த ஐந்தாண்டுகளுக்குள் சங்க கால துறைமுக நகரங்களாகிய தொண்டி, முசிறி மற்றும் காவேரி பாயும் நிலம் சார்ந்த அனைத்து ஊர்களின் கலைச்சிறப்பை ஆவணப்படுத்தும்.

இந்த பதிப்பிலுள்ள புகைப்படங்களின் பதிப்புரிமை புகைப்படக்கலைஞரின் உரிமை ஆகும். மீண்டும் பிரசரிப்பதற்கோ வேறு பதிப்புகளில் உபயோகப்படுத்துவதற்கோ இ.டி.பி. நிறுவனத்தின் (Project 365 பொதுக்களஞ்சியம்) முன் அனுமதி அவசியம். மேலும் தகவல் அறிய {0}4175 237405 / {0}94879 56405 என்ற எண்ணில் தொடர்பு கொள்ளவும்.

ஆங்கிலத்திலிருந்து தமிழுக்கு மொழியாக்கம் – திரு. ராம் மோகன் / எடிட்டர் ரமநோதயம், ஸ்ரீ. ரமணாஷ்ரமம், திருவண்ணாமலை 

Project 365 initiators and partners
Project 365 initiators and partners

“சமகால தமிழர் வாழும் அறைகள்”

‘ஒரு நகரத்தின் பண்பாடு அங்கெ வாழும் மக்களால் நிர்ணயிக்கப்படுகிறது’ என்று டில்லியைச் சார்ந்த ஆர்னவ் ராஸ்டோகி நம்புகிறார். ஒரு மனிதனுக்கு மிக இணக்கமான ஒன்றைப்பற்றி ஆராய்வதைத்தவிர அவனை விவரிக்கும் சீரிய வழி வேறென்ன இருக்க முடியும்? அவன் வாழும் இல்லம் அத்தகைய ஒரு பிம்பம் ஆகும். ஒரு முழுமையான இல்லத்திலிருந்து அவர்கள் பெரும்பாலும் வாழும் இடமாகிய ஒரு அறையை மட்டும் நான் புகைப்படமாக்க  தேர்ந்தெடுக்கிறேன். இந்த ஒரு தனியறை மட்டுமே வெவ்வேறு விதமான மனிதருக்கு எங்கனம் வெவேறு விதமாக பொருள்படுகின்றது என்னும் கோணம் என்னை மிகவும் வசீகரிக்கிறது. ஒரு சிலருக்கு அவர் இல்லம் என்று குறிப்பிடும் வீடு, வெறும் தனியறையாக அமைகிறது; மற்றொருவருக்கோ அது ஒரு விஸ்தாரமான கூடுதல் இடம். வேறு சிலருக்கோ அவை அவர்தம் சிறப்பான பொருட்களை கண்காட்சியாக்க ஒதுக்கப்பட்டுள்ள அறையாகி விடுகின்றது. ஏனைய சிலருக்கு இவை அங்கே வாழும் குடும்பத்திற்கு தேவையான பொருட்களை வைக்கும் ஓர் இடமாக அமைகிறது. அது விஸ்தாரமாக இருக்கலாம். அல்லது, குறுகியதாக இருக்கலாம். சமயம் சார்ந்த பொருட்களையோ, சித்திரங்களையோ அல்லது பளிங்கிலான சிறு பொருட்களையோ வைக்கும் இடங்களாக இருக்கலாம். அது எப்படி இருந்தாலும் சரி, வாழும் அறையானது ஒரு இல்லத்தின் மிக முக்கியமான இடமாகும். ஒவ்வொருவரின் வாழும் அறையும், தனது தனிப்பட்ட கதையினை நமக்கு எடுத்துக்கூறுகிறது”. ‘இக்கால தமிழர்  வாழும் அறைகள்” என்று பெயரிடப்பட்டுள்ள ஆர்னவின் திட்டம், இங்கனம் மனித வாழ்வின் மலர்கின்ற வேறுபாடுகளை ஆவணப்படுத்துவதாக அமைகிறது.

Project 365 team photographer Arnav Rastogi
Project 365 team photographer Arnav Rastogi

வாழும் அறைகளைப்  பற்றிய அவருடைய இந்தத் திட்டம் ‘Sunday guardian’ பத்திரிகையில் வெளியிடப்பட்டுள்ளது. வாழ்கையின் வெவ்வேறு பரிணாமங்களை வெவ்வேறு மக்களுடன் அவர் தொடர்பு கொண்டு, அவர் இல்லங்களுக்கு சென்று அவர்தம் வாழ்வியல் முறையை மிகத்தெளிவான அதே சமயம் மிக நுண்மையான புகைப்பட வடிவில் அளிக்கிறார். இந்த புகைப்பட வடிவங்கள் ஒரு சாமான்யனுடன் அவர் கொண்டுள்ள தொடர்பின் வெவ்வேறு விதமான படைப்பளிப்புகள் ஆகும். இவை வெவ்வேறு குடும்பங்களும், மனிதர்களும் தமக்கு சௌகரியமான பரிமாணங்களில் இருக்கும் நிலைகளை பிரதிபலிக்கின்றன. நாம் நமக்காக நம்மைச்சுற்றி ஏற்படுத்திக்கொள்ளும் சூழ்நிலைகளே நாம்  யார் என்பதை நிர்ணயிக்கின்றன.

ஆர்னவ் முதன்முதலில் தனது கல்லூரி நாட்களில் புகைப்படக்கருவியைக் கொண்டு சோதனைப்படங்கள் எடுத்தார். அதில் வெற்றிக்கண்ட இவர், புகைப்படக்கலையால் மிகவும் ஈர்க்கப்பட்டு, IT துறையிலிருந்து புகைப்படத்துறைக்கு   தன்னை மாற்றிக்கொண்டார். Sri. Aurobindo Center for Arts and Communication அமைப்பிலிருந்து தமது பட்டயத்தை பெற்ற பின், அவர் தம் உணர்ச்சி வெளிப்பாடுகளையும், விலங்கினங்களையும் தமது கேமராவில்  பதிவு செய்யத்துவங்கினார். அகமதாபாத் நகரில் 2011ம் ஆண்டு நிகழ்ந்த creative hut என்ற அமைப்பு நிகழ்த்திய சர்வதேச புகைப்பட விழாவில் அவரது புகைப்படங்கள் காட்சிக்கு வைக்கப்பட்டன. இவை தற்பொழுது F-seven என்று பெயரிடப்பட்ட புகைப்பட கூட்டமைப்பின் ஒரு பகுதியாக அமைந்துள்ளன.

ஆர்னவின் நோக்கம் எல்லா இடத்திலும் பயணம் செய்து தனது வாழும் அறைகள் எனும் புகைப்பட ஆவணத்திட்டத்தை இந்த நாடு முழுவதும் கொண்டு செல்வதாகும். இதில் ஒரு முக்கியமான ஏணிப்படி திருவண்ணாமலையின் ‘தினம் ஒரு புகைப்படம்’ / Project 365 ஆகும். வேகமாய் மாறி வரும் தமிழ் கலாச்சாரத்தினை புகைப்பட ஆவணப்படுத்தும் பொதுமை சார்ந்த புகைப்படக்கலை திட்டமே Project 365. திருவண்ணாமலையில் நிறுவப்பட்டுள்ள இ.டி.பி நிறுவனம், பிரபல புகைப்படக்கலைஞர் அபுல் கலாம் ஆசாத் அவர்கள் தலைமையில் நடத்தும் இந்த திட்டத்தின் ‘சமாரம்பம்’ கடந்த 15ம் தேதி இனிதாக துவங்கியது. கடந்த ஒரு மாதத்திலேயே, ஆர்னவ், தளத்தில் உள்ள பல்வேறு நண்பர்கள் இல்லத்திற்கு விஜயம் செய்து, அவர்களது தனிப்பட்ட வாழும் இடங்களை நிலையான உயிர்த்துடிப்புள்ள புகைப்பட பிம்பங்களாக ஆக்கம் செய்துள்ளார். அவர் வழக்கமாக 35mm டிஜிட்டல் முறையில் படம் எடுத்தாலும், இவற்றை பதிப்பிக்கும்பொழுது அவர் சம்பிரதாயமான உப்பு மற்றும் ஆல்புமின் பதிவு செய்ய திட்டமிட்டுள்ளார்.

திரு. தனவேரி செல்வன் புகைப்பட பதிப்புரிமை ஆர்னவ் ராஸ்டோகி / Project 365 பொது களஞ்சியம்
திரு. தனவேரி செல்வன் / புகைப்பட பதிப்புரிமை (C) ஆர்னவ் ராஸ்டோகி / Project 365 பொது களஞ்சியம்

பெரும்பாக்கம் சாலையில், இ.டி.பி. நிறுவனத்தின் அருகாமையில் வாழும் திரு. தனவேரி செல்வன் அவர்கள் ஒரு மின்சாரத்துறை பொறியாளர். அவருக்கு இரண்டு குழந்தைகள் உள்ளன. அவரது அன்னையும் அவருடன் வாழ்ந்து வருகிறார். அவருடைய மாமனாரான சேது ராமன், தனவேரி செல்வன் இல்லத்தின் பின் பகுதியில் வசிக்கிறார்.

“திருவண்ணாமலை ஒரு சக்தி வாய்ந்த ஆன்மீக துடிப்பும் அமைதியும் நிரம்பிய இடம். இந்த பண்புகளையே இங்கு நான் சந்திக்கும் மக்கள் ஒவ்வொருவரும் தமது எண்ணப்பாங்கிலும் நடத்தையிலும் வெளிப்படுத்துகின்றனர். தமிழ் மக்களின் விருந்தோம்பல் மிகவும் அதிசயத்தக்கது. பலமுறைகள் எனக்கு இல்லத்திலேயே தயாரிக்கப்பட்ட சுவைமிக்க தமிழ் உணவு  அளிக்கப்படுகின்றன. இதை நான் மிகவும் விரும்பி ருசிக்கிறேன்” என ஆர்னவ் நன்றி கலந்த அன்புடன் கூறுகிறார்.

ஸ்ரீ. விஷ்ணு நாராயண் சமஹித் / புகைப்பட பதிப்புரிமை ஆர்னவ் ராஸ்டோகி / Project 365 பொது களஞ்சியம்

ஸ்ரீ. விஷ்ணு நாராயண் சமஹித் / புகைப்பட (C) பதிப்புரிமை ஆர்னவ் ராஸ்டோகி / Project 365 பொது களஞ்சியம்

ஸ்ரீ. ரமணாஷ்ரமத்தில் இருக்கும் ஸ்ரீ. விஷ்ணு நாராயண் சமஹித் தமது வாழும் அறையில் அவரது மகளுடன் அமர்ந்திருப்பதை மேற்கண்ட புகைப்படத்தில் காணலாம்.

ராஜு / புகைப்பட பதிப்புரிமை ஆர்னவ் ராஸ்டோகி / Project 365 பொது களஞ்சியம்
ராஜு / புகைப்பட பதிப்புரிமை (C) ஆர்னவ் ராஸ்டோகி / Project 365 பொது களஞ்சியம்

திரு. ராஜு சிதம்பரத்திலிருந்து குடிபெயர்ந்து தற்பொழுது திருவண்ணாமலையின் நிரந்தர குடிமகனாகிவிட்டார். அவர் ஒரு ஆட்டோ ஓட்டுனராக பணிபுரிகிறார். முன்கலையை ரசிக்கும் ஆர்வத்தை இவர் வளர்த்துக்கொண்டுள்ளார். தமது இல்லத்தில் தமது குடும்பத்தாருடன் அமர்ந்திருக்கும் புகைப்படத்தினை மேலே காணலாம்.

திரு. பல்லவன் / புகைப்பட பதிப்புரிமை ஆர்னவ் ராஸ்டோகி / Project 365 பொது களஞ்சியம்
திரு. பல்லவன் / புகைப்பட பதிப்புரிமை (C) ஆர்னவ் ராஸ்டோகி / Project 365 பொது களஞ்சியம்

டேனிஷ் மிசன் பள்ளியில் கலை ஆசிரியராக பணியாற்றி ஓய்வுப்பெற்ற திரு. பல்லவன் தமது குடும்பத்தாருடன் தமது  இல்லத்தில் வாழும் அறையில் அமர்ந்திருப்பதை இந்த புகைப்படத்தில் காணலாம். புகைப்பட ஊடகம் மீது சிறு வயதிலேய ஆர்வம் கொண்டிருந்த இவர் தற்பொழுது ஓவியம், எழுத்து மட்டுமல்லாது, புகைப்படங்கள் எடுக்கவும் துவங்கி உள்ளார். சிறந்த கலை ஆர்வலர்.

ஸ்ரீமதி . ப்ரீத்தி ஸ்ரீனிவாசன் / புகைப்பட பதிப்புரிமை (C)ஆர்னவ் ராஸ்டோகி / Project 365 பொது களஞ்சியம்
ஸ்ரீமதி. ப்ரீத்தி ஸ்ரீனிவாசன் / புகைப்பட பதிப்புரிமை (C) ஆர்னவ் ராஸ்டோகி / Project 365 பொது களஞ்சியம்

ஸ்ரீமதி. ப்ரீத்தி ஸ்ரீனிவாசன் தமது குடும்பத்தாருடன் அவரது வரவேற்பு அறையில் இருப்பதை இப்படத்தில் காணலாம்.

Project 365 புகைப்படக்கலைஞர் ஆர்னவ் கூறுகிறார், “இங்கனம் படமெடுக்கும் பொழுது ஏற்படுத்தப்படும் பல்வேறு தொடர்புகளையும் பரிமாற்றங்களையும் ஆனந்தத்துடன் அனுபவிக்க நான் கற்றுக்கொள்கிறேன். இரண்டு வாரங்களுக்கு முன் Project 365 திட்டத்தின் புகைப்படக்கலைஞர்களுள் ஒருவரும், ஸ்ரீ. ரமணா ஆஷ்ரமவாசியுமான  திரு. ஜெயராமன் (ஜெ. ஜெ.)  அவர்களின் வாழும் அறையினை படமெடுக்க நான் சென்றிருந்தேன். அவரது இல்லத்தில் ஒரு அறையும் ஒரு தாழ்வாரமும் உள்ளன. அந்த வாழும் அறையே அவரது சயன (உறங்கும்) அறையாகவும் பயன்படுகிறது. அவரது வாழும் அறையில் ஒரு தனிப்பண்பு வெளிப்படுகின்றது. பல்வேறு புத்தகங்களும், சந்கீதக்கருவிகளும் பலவிதமான பொருட்களும் எங்கும் பரவிக் கிடக்கின்றன. ஆயினும் இதில் ஒரு குழப்பம் தெரியவில்லை. ஒரு தனிப்பட்ட ஒழுங்கே வெளிப்படுகின்றது. ஜெ. ஜெ. என்னைப்பார்த்துக் கூறினார், “வெளியுலகத்தில் என்னைச்சுற்றி நிகழ்கின்ற பயண நிகழ்வுகளுக்கு நான் என்னை உட்படுத்திக்கொள்ள வேண்டியுள்ளது. இங்கேயோ, இங்குள்ள பொருட்களெல்லாம் எனக்கேத்தப்படி வகைப்படுத்திக்கொள்கின்றன… ” ஒரு மிகச்சுவையான புகைப்படம் எனக்கு கிடைக்கப்போகிறது என்பதை நான் உள்ளார்ந்து அறிந்து மெல்லிய புன்னகை பூத்தேன்”.

(தொடரும்….)

தென்னிந்தியாவின் பண்பாடும் வாழ்க்கைமுறையும் மிக வேகமாக மாறிக்கொண்டிருக்கிறது. மாறுகின்ற இந்த பண்பாட்டின் வெளிப்பாடுகளை புகைப்பட வடிவில் பாதுகாத்து வைக்கும் ஒரு சிறந்த முயற்சியே இ.டி.பி. அமைப்பினால் தொடங்கப்பட்டுள்ள Project 365  என்று மகுடமிடப்பட்டுள்ள  ‘பொதுமை புகைப்படக்கலை திட்டமாகும்’. இதன் முதல்படி தமிழ்நாட்டின் திருவண்ணாமலையில் நடந்து வருகிறது. பல்வேறு கலாச்சாரங்களின் கோணங்களை தன்னகத்தே கொண்டுள்ள இந்த புராதன நகரத்தின் சிறப்புகளை இந்தியா முழுவதும் உள்ள புகைப்படக்கலைஞர்கள் சம்பிரதாயமான ஊடக வழியில் ஓராண்டுக்காலம் ஆவணப்படுத்துவார்கள். முடிவில் கண்காட்சியும் புத்தகமும் வெளியிடப்படும். இந்த திட்டம் இக்கால இந்திய புகைப்பட கலைஞர் அபுல் கலாம் ஆசாத் அவர்களால் வழி நடத்தப்படுகிறது. அடுத்த ஐந்தாண்டுகளுக்குள் சங்க கால துறைமுக நகரங்களாகிய தொண்டி, முசிறி மற்றும் காவேரி பாயும் நிலம் சார்ந்த அனைத்து ஊர்களின் கலைச்சிறப்பை ஆவணப்படுத்தும்.

இந்த பதிப்பிலுள்ள புகைப்படங்களின் பதிப்புரிமை புகைபடக்கலைஞரின் உரிமை ஆகும். மீண்டும் பிரசரிப்பதற்கோ வேறு பதிப்புகளில் உபயோகப்படுத்துவதற்கோ இ.டி.பி. நிறுவனத்தின் (Project 365 பொதுக்களஞ்சியம்) முன் அனுமதி அவசியம். மேலும் தகவல் அறிய {0}4175 237405 / {0}94879 56405 என்ற எண்ணில் தொடர்பு கொள்ளவும்.

ஆங்கிலத்திலிருந்து தமிழுக்கு மொழியாக்கம் – திரு. ராம் மோகன் / எடிட்டர் ரமநோதயம், ஸ்ரீ. ரமணாஷ்ரமம், திருவண்ணாமலை 

Project 365 initiators and partners

நன்றி.

‘தினம் ஒரு புகைப்படம்’ / Project 365

“பண்டைக் கலாச்சாரமும் சமகால வாழ்வுமுறையும்”

தனித்துவமிக்க பொதுமை புகைப்பட ஆவணம்

காலமாற்றத்தில் பண்டைத்தமிழ் கலாச்சாரம் அதி வேகமாய் மாறி மறைந்து வருவது நாம் அனைவரும் அறிந்ததே. மாற்றம் ஒன்றே நிலையான காரணத்தினால் இந்த காலச் சூழற்சியின் தாக்கத்தினை யாராலும் தடுக்க முடியாது. அதனை தடுக்க நினைப்பதும் அத்தனை சரியான அணுகுமுறை அல்ல. நவீன கால கண்டுபிடுப்புகளும் வளர்ச்சியும் அத்தியாவசியமானதே. அதுமட்டுமல்ல, மாறிவிட்ட சமுதாய பொருளாதார சூழ்நிலையில் பழங்கால பழக்க வழக்கங்களை பின்பற்றவும் இயலாது. ஆயினும், வருங்கால சந்ததியினர் இந்த கலாசார மகிமையினை அறியாமலே போய் விடும் அபாயம் உள்ளது. சமகாலத்தில் இன்னும் தனித்து விளங்கும் பழங்கால தமிழ் வழக்கங்களான விருந்தோம்பல், கோலம் இடுதல், கிராம வாழ்க்கை முறை நமது தனித்துவ காளை மாடுகள், பாரம்பரியக் கட்டிடக்கலை, விவசாய அறிவு, வேட்டை ஆடும் திறன், கொட்டைகளில் சினிமா, கல்யாணம், தாவணி, உணவு, கோலி சோடா, பம்பரம் விடுதல், மிருகங்கள், அரிய மரம் செடிகள், வைத்திய முறைகள், பட்டாம் பூச்சிகள் என எல்லாம் மின்னல் வேகத்தில் எந்தவித ஆதாரமும் இல்லாமல் மாறி மறைகின்றது. பழங்காலத்தில் , ராஜாக்களும், மன்றங்களும், கலாசார ஆர்வலர்களும் தற்தமர் எல்லாம் கடந்த, உள்ள உற்ற “கட-உள்” என்ற பெயர் புனைந்த எல்லாம் ஆனா ஆண்டவனை கலாசார இயல், இசை, நாடகம் என்னும் நம் பொருள் படுத்தக்கூடும் கருவிகள் வாயிலாக மனிதநேய சமுதாய கலாச்சாரத்தை பெருமை படுத்தும் விதமாக சிலைகளும், சுவர் சித்திரங்களும், கோவில்களும், இசை, நாடகம், காவியங்களும் உருவாக்கினர். காலத்தினால் அழியாத இந்த அற்புத கலைகளை பொது மக்களாகிய நாமும் நமது வாழ்க்கையின் அங்கமாக்கி போற்றி ஆராதிக்கின்றோம்… அதன் அறிமுகமாகவும் விளங்கும் கடவுளையும் வணங்குகிறோம்! கலையாய் ரசிக்கின்றோம்! ஆய்வு செய்கிறோம்… அது மட்டுமல்ல நமது கலாசார சின்னமாக பேணி பாதுகாத்து வருகின்றோம்.

Image (C) Abul Kalam Azad / Image courtesy EtP Archives
Agni Shylam series / Image (C) Abul Kalam Azad / Image courtesy EtP Archives / 2014

தற்பொழுது உள்ள காலக்கட்டத்தில், சமகால தமிழ் கலாச்சாரத்தினை உலகிற்கு தெரியப்படுத்த இது போன்ற முயற்சிகள் அவசியமானதாகும். கன நேரத்தில் ஓடி மறையும் கானல் நீர் போன்ற காட்சியினை, இன்ப துன்ப தருணங்களை, ஆண்டாண்டு காலம் நிறம் மங்காத நிலவுபோல் நிலை நிறுத்தி வைக்கக்கூடிய திறம்பெற்ற நவகால கலைகளின் சிகரமான ‘புகைப்பட கலையின்’ மூலம் இந்த அழிந்து வரும் காலத்தினை நிலையான ஒரு வரலாற்று பொக்கிஷமாய் பதிவு செய்து ஆவணப்படுத்தும் நோக்கத்தில், ‘தினம் ஒரு புகைப்படம்’ – (Project 365) திட்டத்தினை திருவண்ணாமலை சார்ந்த EtP (Ekalokam Trust for Photography) செயல்படுத்த உள்ளது.

அதன் முதலாம் கட்டமாக, தென்னிந்தியாவின் மிகவும் பழமையான தமிழ் நகரங்களில் ஒன்றான திருவண்ணாமலை நகரத்தினை புகைப்பட ஆவணம் செய்ய முடிவு செய்யப்பட்டுள்ளது. ‘பண்டை தமிழகம்’ என்றழைக்கப்படும் தமிழ்நாடு, கேரளா, ஆந்திரா, கர்நாடகா வரையறைக்குட்பட்ட வரலாற்று முக்கியம் வாய்ந்த இடங்களும் ஆவணப்படுத்தப்படும். அடுத்ததாக கொடுங்கல்லூர், காவேரி டெல்டா ஆவணபப்டுத்த திட்டம் உள்ளது.

திருவண்ணாமலை

Image (C) Abul Kalam Azad / Image courtesy EtP Archives
Agni Shylam Series / Image (C) Abul Kalam Azad / Image courtesy EtP Archives 2013
Agni Shylam series / Image (C) AKA / Image courtesy EtP Archive
Agni Shylam series / Image (C) AKA / Image courtesy EtP Archives 2014

திருவண்ணாமலையில் மக்கள் கி.மு 1 ஆம் நூற்றண்டுக்கு முன்னரே நகரமைத்து வாழ்ந்து வருகின்றனர். இது “மதுரை” நகரினைவிட பழமையானது என்று வரலாற்று ஆவணங்கள் கூறுகின்றன. சுமார் 2500 ஆண்டுகளுக்கு முன் தொண்டைமான் இளந்திரையன் திருவண்ணாமலை நகரத்தை ஆண்டதை, சங்க இலக்கியமான பரிபாடல் மூலம் அறிய முடிகின்றது. கி.மு இரண்டாம் நூற்றாண்டிலேயே பதஞ்சலி முனிவராலும், கி.பி. இரண்டாம் நூற்றாண்டு கால சங்க இலக்கியமான மணிமேகலைக் காப்பியத்திலும் இந்நகர் குறிப்பிடப்பட்டுள்ளது. கி.பி. நாலாம் நூற்றாண்டு முதல் ஒன்பதாம் நூற்றாண்டு வரை பல்லவர்களின் முக்கிய நகரமாக விளங்கிய திருவண்ணாமலை, கலை, மற்றும் தமிழ், சமஸ்கிருத மொழிகளின் கல்வியில் சிறந்து விளங்கியது. பல்லவர்கள் ஆட்சிக்கு முன் சென்னை, வேலூர், திருவண்ணாமலை, காஞ்சிபுரம் மற்றும் திருவள்ளூர் ஆகிய தற்கால மாவட்டங்களை உள்ளடக்கிய தொண்டை மண்டலத்தின் முக்கிய நகராக விளங்கியது.

Agni Shylam series / Image (C) Abul Kalam Azad / Image courtesy EtP Archives
Agni Shylam series / Image (C) Abul Kalam Azad / Image courtesy EtP Archives
Agni Shylam series / Image (C) Abul Kalam Azad / Image courtesy EtP Archives
Agni Shylam series / Image (C) Abul Kalam Azad / Image courtesy EtP Archives

பண்டைக் கலாச்சாரமும் சமகால வாழ்வுமுறையும்

சங்க காலம் தொட்டே கலைஞர்களின் விருப்ப பூமியாக விளங்கும் இந்நகரத்தில், சமீப காலங்களிலும் பல்வேறு தலை சிறந்த கலைஞர்கள் பிறந்தும் வேறு நகரங்களில் மற்றும் நாடுகளில் இருந்து இங்கு வந்து வாழ்ந்தும், பற்பல கதைகள், கவிதைகள், ஓவியங்கள், திரைப்படங்கள், புகைப்படங்கள் என தமது கலை நயத்தையும் திருவண்ணாமலை பால் அவர்கள் கொண்டுள்ள அன்பையும் வெளிப்படித்தியுள்ளனர். அதனால்தான் என்னவோ திருவண்ணாமலை நம் நாட்டவர் மற்றும் அயல் தேசத்தவர் மத்தியிலும் ஓர் அங்கமாகிவிட்டது. கோவில், மலை, பெருமைமிக்க சித்தர்கள் மற்றும் ஞானிகளைத் தேடி பல்லாயிரக்கணக்கான பக்தர்களும் சுற்றுலா பயணிகளும் சாதுக்களும் வர தொடங்கினர். ஒவ்வொரு மாதமும் முழு நிலா அன்று கிரிவலம் செய்ய என லட்சக்கணக்கானோர் வந்து செல்கின்றனர். திறமிக்க இந்த விழாவினை கையாளும் அரசாங்கத்தின் சேவை பாராட்டுக்குரியதாகும். மருத்துவ கல்லூரி, பொறியியல் கல்லூரி, என கல்லூரிகளும் பாட சாலைகளும் மிகுந்து காணப்படும் இந்த நகரம், ஆடம்பர கார்கள், பல வண்ண பங்களாக்கள், போன்றவையால் அலங்கரிக்கப்படுகிறது. வெளி நாட்டவரின் வருகையும், கல்விமுறையும், கலாசார பகிர்தலும், மாற்றத்திற்கே உண்டான பல்வேறு கோணங்களை தன்னோடு உட்படுத்திக்கொண்டு, திருவண்ணாமலையினை வளர்ச்சியின் இலக்கினை நோக்கி வேகமாய் பயணித்துக் கொண்டிருக்கிறது.

இதே கால சூழ்நிலையில் காளை மாடுகளும், மாட்டுச்சந்தைகளும், பழங்கால வீடுகளும், இயற்கையை வணங்கும் பாமர மக்களும் என பழமை மணம் வீசும் பசும் வயல்கள் நிரம்பிய கிராம சூழ்நிலை. பழமையும் புதுமையும் நேருக்கு நேர் நின்று உற்று நோக்கும் இந்த சூழ்நிலை எந்த நொடியில் வேண்டுமானாலும் நவீன வளர்ச்சியின் சிகரத்தினை நோக்கி வேகமாய் முன்னேறி சென்று விடும்.

Agni Shylam series / Image (C) Abul Kalam Azad / Image courtesy EtP Archives
Agni Shylam series / Image (C) Abul Kalam Azad / Image courtesy EtP Archives

‘தினம் ஒரு புகைப்படம்’

இந்த கால மாற்ற தருணத்தை புகைப்படங்களாய் பதிவு செய்ய இருக்கும் இத்திட்டத்தில், பலவிதமான புகைப்படக் கருவிகள், கைப்பேசி, பழங்கால முறைகளான பிலிம் கேமரா மற்றும் pinhole புகைப்படக் கருவி போன்றவை உபயோகப்படுத்தப்படும்.. பல்வேறு விதமான புதிய மற்றும் பழைய அச்சு உத்திகள் கையாளப்படும். இது போன்ற உத்திகள் மூலம் மிகக்குறைந்த புகைப்படங்களே எடுக்கமுடியும். ஆயினும் சாதாரண ஆவணங்களை காட்டிலும் கலை நயமிக்கவையாக விளங்குகின்றன. பல்லாயிரக்கணக்கான டிஜிட்டல் பதிவுகளின் மத்தியில் இது போன்ற பாரம்பரிய கலையினை மேம்படுத்துவது நமது திட்டத்தின் சிறப்பு அம்சமாகும்.

தொடரும்….

இந்த பதிப்பிலுள்ள புகைப்படங்கள் எல்லாம் பதிப்புரிமை புகைபடக்கலைஞரின் உரிமை ஆகும். மீண்டும் பிரசரிப்பதற்கோ வேறு பதிப்புகளில் உபயோகப்படுத்துவதற்கோ முன் அனுமதி அவசியம். மேலும் தகவல் அறிய {0}4175 237405 / {0}94879 56405 என்ற எண்ணில் தொடர்பு கொள்ளவும். நன்றி.

Project 365 initiators and partners